Ilang taon na ang nakalipas,
Tila ang sumpa'y walang wakas.
Nandito pa rin ako ngunit makaalpas,
‘Di pinapansin aking aninong nagpupumiglas.
Sa pagdaan ng panahon,
Pagkilala't pagtanggap pa ri'y nakabaon.
Pilit nililimot ang makulay na pagkatao
At tinatago sa mundong nababalot ng abo.
Nais ko lang naman sa paghakbang ko—tanggap ako.
Hindi tinatapakan ang pakakakilanlan ko.
Nais ko lang na sa paglakbay ko—tinitingala ako.
Dahil sa aking tunay na matingkad na anyo.
Hanggang kailan mamumuhay sa mundo ng anino?
Hanggang kailan matatapos ang delubyo?
Kumpiyansa pa rin ako,
Umaasa't naghihintay na may hangganan ito.
Tula ni Tristan Jay G. Berbon
Paglalatag ni Ralph Louie A. Mateo
#TheUniversityScribe
#21YearsOfImmutablePassion
#InscribingPerspective See less
Create an Account
Choose your account type
Comments (0)
No comments yet. Be the first to share your thoughts!